ما كل من يركب على الخيل خيال

[صبايا]

ما كل من يركب على الخيل خيال

ما كل من يركب على الخيل خيال

ما كل من يركب على الخيل خيال
ولا كل خيل تعجبك هي أصيـله
ولاكل من يعجبك هرجه برجال
بعض العرب ملسون وأيده بخيله
الكل يلبس ثوب و شماغ وعقال
وعند اللزوم أفعالهم هي قليله
والكذب خله عنك ما فاد لو طال
قول الصدق يا صاح غنم وجميـله
واللي شراك اشريه لو كان بالمال
خلك معه وان مــــــال دور بديله
... واصبر ترى الدنيا تبدل بها أحوال
وما كل شئ صافي تشـــــوفه تجيله
وصاحب خليل لو جفـا الوقت ما مال
ترى الرجل يعرف بقيمة خليـله
واقفل على سرك بكتمان وأقفال
بعض العرب يسمع و ينوي بحيله
خل التواضع فيك واضح بالأفعال
ترى الكبر يردي بيوم وليـله
ولاتحسد اللي عنده أموال وعيال
وش ينفعك لو كان حـــسدك يزيله